وداعا سيد الموجي
أحلى كلامنا اللى ماقلناهشى
وأحلى أيامنا اللى لم تنعاش
أحلى نجومنا اللى ماشفناهشى
وأحلى أولادنا اللى لسه ماجاش !
( سيد الموجي )
( سيد الموجي )
حقيقي
أحلي أيامك ما عشتهاش
ولكن
كلامك حكم ما تتنساش
وأحلي
نجومنا غابت وضاعت
يوم
فراقك يا سيد نهاره ما جاش
عرفت
السيد الموجي وهو في عمر الزهور طالبا في الزرقا الثانوية وكنت ما زلت حديث عهد
بالعمل في منظمة الشباب الاشتراكي كسكرتير تنظيم لمركز فارسكور بصحبة السيد شمس
الذى كان أمين الشباب في المركز وبطبيعة الحال كان السيد الموجي وأسامة الغندور في
طليعة مجموعة من الشباب الإيجابيين الذين تم تكليفهم بقيادة مجموعات المنظمة في تلك المدرسة
وسريعا تمضي الأيام ويتخرج الشباب الثوري من الجامعة ويلتحقون بوظائفهم وتجمعنا
الأيام مرة أخري عندما أجريت انتخابات مجلس الشعب عام 1978 بين المنابر الثلاثة
التي أسسها السادات اليمين والوسط واليسار فكنت مرشحا لليسار بينما كان عبد الرؤوف
شبانة مرشح الوسط وكانت الدائرة كوضعها الحالي تضم مركزي فارسكور والزرقا قبل أن
يكون مركز الزرقا قد أنشيء إداريا وفي الجولة الانتخابية والحملة الدعائية التي
قمت بها منفردا كان إلي جواري في كل قرية وكل جرن وكل شارع في مركز فارسكور السيد
الموجي حاملا عوده حيث كان ينبري في كل لقاء لإلقاء بعض قصائده الشهيرة ويغني
بعضها علي العود فقد كان عازفا ماهرا وملحنا لأغانيه التي يكتبها بنفسه إلي جانب
براعته في شعر العامية والأزجال والرباعيات وقد عاني وظيفيا من جراء وقوفه معي في
تلك الحملة التي كانت متفوقة إعلاميا وجماهيريا علي مرشح الحكومة حتي أن موسي صبري رئيس تحرير أخبار
اليوم في ذلك الوقت قد أفرد عموده في الأخبار أكثر من مرة لمهاجمتنا واتهمنا بالشيوعية
كأسرع اتهام ينفر الجماهير ممن يلصق به ورغم ذلك لم تلن للسيد إرادة بل ظل صلبا في
موقفه واستمرت صداقتنا بل أخوتنا الروحية قوية مهما باعدت بيننا الأيام وحتي وإن
فارقنا بغتة اليوم إلي مستقر رحمة ربنا إلا أنه وداع علي لقاء نرجو أن يجمعنا به
الله في فسيح جناته بين عباده الصالحين .
من أشعار سيد الموجي :
شوف برلماناتك وعمايلها فيك
ووجودها فى وادى بعيد عن واديك
راجع حساباتك وفكّر فى ناس
تمثِّلك ، مش ناس تمثل عليك !
**********
نوابنا من كتر إخلاصهم لدوايرهم
بيناموا فى الجلسة بعد ما هجروا سرايرهم
يا ريت تبادلوهم الإخلاص بالإخلاص
وتريحوهم بقى وتجيبوا ناس غيرهم ؟!
***********
ومن أشعاره : يا عم بيرم
يا عم بيرم يا شاعر والجميع شاعر
إن البلد دى بتولد كل يوم شاعر
لكن رخيص الكلام
قدّف مع الموج وعام
وتاه فى وسط الزحام
الشاعر الشاعر !
****
يا عم بيرم يا إيد مصرية حاضنة القلم
بتحكى مصر التاريخ وبتبكى مصر الألم
غنيتها صحرا وعمار
غنيتها بندر وريف
صورتها للصغار
نسمة وهدمة ورغيف !
****
يا عم بيرم يا تونسى يا مصرى يا إنسان
ولا يجرح الخاطر الا الغربة فى الأوطان
ومهما بعّدنا
أشواقنا بتلمنا
غربتنا ف بلادنا
هىاللى بتهدّنا !
****
يا عم بيرم يا نيلى اللى ارتويت منه
يا معهدى اللى نسج أحاسيسى من فنه
بيقول يا عايز تقول
درب الكلام واعر
للكلمة حكمة وأصول
ما يصونها غير شاعر !
****
وكنت يا عم بيرم للأصول صاين
لا كنت صاحب قلم مهزوز ولا خاين
لا القصر أثر عليك
ولا أثر النفى فيك
ولا كل كل الكنوز
قدرت فى يوم تشتريك !
****
يا عم بيرم يا زهرة حب ريّانة
بعيد بجسمك وروحك عايشة ويّانا
فى شدو ست الطرب
فى لحن زكريا
عايشين فى أرض العرب
أسطورة أبدية !
****
يا عم بيرم وغيرك مين يكون عمى
واحكى لمين ما بى والا اشكى لمين همى
محتاجة مصر لكلام
ميت ألف بيرم أصيل
لكن خلاصة الكلام
الحلم دا مستحيل !
يا عم بيرم
يناير 1978 م
رابط مدونة السيد الموجي عليه رحمة الله
ليست هناك تعليقات:
إرسال تعليق